Tue-14-Apr-2015
Скайтел-ийн Р.Болор захирлын залууст өгөх зөвлөгөө
   Эрдэмт ТББ болон Хөгжлийн Танхим ТББ хамтран зохион байгуулдаг ээлжилт Өглөөний уулзалт Манлайлал сэдвийн дор амжилттай болж өнгөрлөө.
2-095536-1931056406.jpeg?resize=625%2
Зохион байгуулагчид 50 хүн оролцуулахаар төлөвлөсөн ч залуус Р.Болор захирлын үгийг сонсохоор маш ихээр бүртгүүлсэн байсан тул нийт 90 орчим залуус цугласан байлаа.

Р.Болор захирал манлайллын тухай, Сингапур, Диснэйгийн загварыг хэрхэн өөрийн компанидаа амжилттай хэрэгжүүлж байгаа тухай ярьлаа. Түүний ярианаас ТУЗ, хөрөнгө оруулагчиддаа таалагдах гэж биш харин ажиллаж байгаа компаниа урт хугацаанд өрсөлдөх чадвартай, тогтвортой байлгах бүтээлч ажлуудыг хийдэг нь харагдаж байлаа. Үүнээс гадна залууст зориулж өөрийн зөвлөгөөгөө харамгүй хуваалцлаа.

Ингээд уг уулзалт дээр Д.Болор захирлын залууст хэлсэн үгнүүдээс онцлох 11 ишлэлийг хүргэж байна.

1. Манлайлагчид МЭДЭЭЛЛЭЭ бусадтай хуваалцдаг байх ёстой. Тэр хэрээрээ ХАРИУЦЛАГАА ч хуваалцах ёстой.

2. Бусдын даган дуурайх ҮЛГЭР ЖИШЭЭ бай. Манлайлагчид өөрсдөө биеэрээ үлгэр жишээ байх хэрэгтэй. Үглэснээс үлгэрлэ.

3. Хүн болгон ЛИДЕР болохгүй ч гэсэн БАГИЙН САЙН ГИШҮҮН байх ёстой. 

4. Солонгосчууд Солонгос залуугийн стандарт гэж гаргасан байдаг. Жишээ нь Солонгос залуу цэрэгт явсан байх ёстой, боловсролын түвшинтэй байх ёстой, ийм бие бялдартай байх ёстой гэх мэт. Үүн шиг Монгол залуусын СТАНДАРТ бий болох ёстой.  Тэгж байж зорилготой болно.

5. Монгол хэлээс гадна дор хаяж нэг ГАДААД ХЭЛ эзэмш. Олон хэлтэй болох тусам мэдээлэл авах эх сурвалж чинь нэмэгдэнэ. 

6. Залуучууд одооноос л ҮНЭ ЦЭНЭ бий болгох ёстой. Хүмүүс үнэ цэнэ л худалддаг. Таны үнэ цэнийг л бусад газрууд хөлслөнө. 

7. Хорин хэдэн нас хамгийн чухал нас тул зөвхөн ХӨДӨЛМӨРЛӨ. Хорин хэдэн насандаа хэр их хөдөлмөрлөснөөс шалтгаалж хожим илүү амжилттай байна. 

8. Яг өдийд, одооноос л ЭРҮҮЛ МЭНДдээ анхаар. Залуучууд хамгийн гол нь эрүүл байх ёстой. Мөнхийн ийм залуу, чийрэг, гоёоороо байхгүй.  Тийм учраас одооноос эхэлж л дасгал сургуулилт хийж, спортоор хичээллэ. Ингэж зөв хэвшүүлж байж нас ахих тусам ЭРҮҮЛ МЭНДЭЭ, гоё сайхнаа хадгалж чадна.

9. СПОРТЛОГ бай. Өөрийнхөө төлөө өдөрт 20-30 минут зарцуул. 

10. ХАНДЛАГА хамгийн чухал. Ажилд орох гэж буй хүмүүсийн хандлагыг би хамгийн их чухалчилдаг.  Их сургууль төгсөнө гэдэг нь мэдээлэлтэй болно гэсэн үг. Харин мэдлэгтэй бус. Мэдлэгийг бол ажил дээр гарч, ажиллаж байж олж авдаг.

11. УНШДАГ, СУРДАГ цагаа ихэсгэ. Билл Гейтс өглөө болгон 5 цагт босч 2 цаг орчим шинжлэх ухааны өгүүллэгүүд уншдаг. 

http://startup.mn/
Бичсэн: Telnet | цаг: 04:45 PM | Хүний хөгжил
Холбоос | email -ээр явуулах | Сэтгэгдэл(0)
Сэтгэгдэл:


Сэтгэгдэл бичих
idiomatic-dormant