Саяхан үүсгэн байгуулсан Алибаба компаниа нээлттэй болгож Хятадын хамгийн баян хүнээр тодорсон Жэк Ма өөрийн амьдралаас ухаарсан зүйлсээ юу гэж ярьсныг тоймлож байна.

“Өнөөдрийн бидний амжилт нь зөвхөн өнөөдөр сайн ажилласны үр дүн биш, харин 15 жилийн өмнөх мөрөөдлийн биелэл”

“Хэрвээ чи нэг сая доллартай болсон бол чи азтай хүн. Хэрвээ 10 саятай болвол, чи маш олон толгойны өвчинтэй болно. Харин нэг тэрбумаас илүү, ядаж л хэдэн зуун саятай болвол энэ нь чи хариуцлага үүрэх болжээ гэсэн үг.  Учир нь энэ их мөнгийг бусдаас илүү ухаалаг зарцуулна гэж хүмүүс чамд итгэсэн хэрэг.”

Дуртай киноныхоо баатар Форест Гампын “амьдрал бол хайрцагтай шоколадны цуглуулга шиг” гэсэн үгийг хэлэх дуртай. “Чамд яг аль нь таарахыг чи хэзээ ч мэдэхгүй”

“Бидэнд баян эцэг эсвэл нөлөөтэй хамаатан байсангүй. Бидэнд зөвхөн биднийг дэмждэг хэрэглэгчид л байлаа”

“Залууст тусал. Тэд ирээдүйд том болно. Чиний тэдний оюун ухаанд суулгасан үр өсөж том болох үед нь дэлбээлж дэлхийг өөрчлөх болно. ”

 
www.time.com