Амьдрах сайхаан

2009-11-01

Хорвоо эргэнэ. Би зогсоно...

Үнэнийг хэлэхэд би чамайгаа галзууртлаа санаж байна

Үнэндээ энэ цаг удаан боловч харавсан сум шиг өнгөрч байна

Нэг л мэдэхнээ навчис шарлан салхи сэржигнээд

Нээрээ л энэ хорвоо надтай надгүй эргэх юмдаа.

Сэтгэлд дулаахан үгсийг чинь сонстолоо

Сэрүүн салхинд жиндэн жиндэн чамайг хүлээе

Хайртай гэсэн үгийг чинь хүлээн

Хаврын бороонд норон норон зогсоё

Зүрх сэтгэлд чинь миний орон зай хэвээрээ бол

Зүүдийг чинь би эргэн эргэн санагалзуулж байгаа бол

Зүрх сэтгэлээ даган наддаа хурдан ирээч

Зүгээр л бүхнийг умартаад наддаа хүрээд ирээч...

/Хуулбар/
...

[Дэлгэрэнгүй...]

2009-10-29

Ухаарал...

Үнэн гэдэг чинь үхэл юм биш үү
Үүрдийн гэдэг чинь худал юм биш үү
Цаг хугацаа гэдэг чинь
Цаасан дээр хэвлэгдсэн тоо юм биш үү
Цаашлан одох он жилүүд гэдэг чинь
Наашлан ирэх ухаарал юм биш үү

Үзүүрт нь очихгүй жаргал гэдэг чинь
Үнэнийг сөрсөн амьдрал юм биш үү
Ёзоорт нь хүрэшгүй зовлон гэдгийн чинь
Ёгт утга нь шунал юм биш үү

Худал хуурмагийн саарал ертөнцөд
Хувирч өөрчлөгдөөгүйг нь үнэн гэдгийм биш үү
Өнгө, мөнгөний өчүүхэн орчлон дээр
Өөрчлөгдсөн бүхнийг худал гэдгийм биш үү

/Хуулбар/

...

[Дэлгэрэнгүй...]

2009-10-29

Гомдоогүй шүү....танхил бүсгүй минь

Гомдоогүй шүү...танхил бүсгүй минь
Гоёл чимэглэл, ялдам аальтайгаа чи
Гоонь эрийн зүрхийг эзэмдэх жүжгэнд
Гол дүрд нь тоглож, өөрөө бас дурлачихаад
Горхиний ус шиг сэмрээд
Говийн зэрэглээ шиг хийсээд.....одох чинь юу билээ.Тэглээ ч
Гомдоогүй шүү...бүсгүй минь

Харчуулын нүдний эрвээхэй байсныг чинь мэднээ
Халин нисэх тэмүүлэлийг чинь бас мэднээ
Халуун гал, хүйтэн мөс байсныг чинь мартаагүй болхоор
Хаа нэгэн газар дүрэлзэж, дүрэлзүүлж явааг чинь мэдэж байна

Хамт авхуулсан гэрэл зураг захаасаа эмтэрч
...өдөр хоног урсаж
Хар цагаан хоёрхон өнгө ээлжилж
...

[Дэлгэрэнгүй...]

2009-10-26

Би чинийхээ төлөө цас болон будрая

Би чиний сормуусан дээр тогтсон цас болъё
Биеийн чинь дулаан, сэтгэлийн чинь халуунд хайлъя
Битүүхэн уйлсан гомдлын нулимстай чинь цуг
Би чиний шаналал болж урсая

Өчигдөрт би дургүй ээ.....маргаашийг ч бас хүлээхгүй
Өнөөдөр л би гунигаа тайлж
Өвөрт чинь цас болон хунгарлая
Өөр хэний ч биш......миний л төлөө
Өр зүрх чинь цохилхийг мэдрээд .......үхэе

Будрах цасан дунд уруул чинь ямар амттай
Будрах цасан дунд чинь нүд чинь ямар хөөрхөн
Би тийм жаргалтай.........би ийм гунигтай
Би нулимсгүй атлаа цагаан гунигтан......
Бишгүй дээ л нэг дурласан ....хайрын гэмт хэрэгтэн

Би тэгвэл ...

[Дэлгэрэнгүй...]

2009-10-26

Битгий уйлуулаарай

Бэр болж аавын чинь босгоор алхсан
Бүсгүй түүнийгээ бүү уйлуулаарай
Биендээ хүндэдсэн ачаа юуг нь хүндрүүлж
Битүүхэн хадгалсан хайрыг нь шархлуулж бүү зовоогоорй

      Бишгүй л нэг зовлон амьдралд зөндөө бий ч
      Бичигдээгүй хууль хамтдаа туулдаг хорвоо дэлхий
      Бие биесээ ойлгож, зовлонгоо хуваалцахгүй л юм бол
      Би чиний хань гээд яах юм бэ

Хань болж гэрийн чинь тооныг түшилцсэн
Хайртай түүнийгээ бүү уйлуулаарай
Халамж дулаан эр хүний түшигээ
Харамгүйгээр ганцхан түүндээ л зориулаарай

      Буурал дэлхий алдаа оноогоор дүүрэн ч
      Бурхан биш хань чинь л амьдралын түшиг
      Бууж, мордохын...

[Дэлгэрэнгүй...]

2009-10-23

Заяа : Тэр харц

Гил хар үсээ шөнөөр дүүрэн задалчихаад
Гэзгийг минь дэрлэ гэх шиг надруу ширтдэг тэр л харц
Гэгээн гуниг бүхнийг зүрхээр дүүрэн асгачихаад
Гэргийгээ март гэх шиг надруу ширтдэг тэр л харц

Нүцгэн уруулыг минь нүдээрээ эхэлж үнсдэг
Нүгэл болгоныг минь нулимсаараа угааж хардаг
Надаас бэлзэг биш дурлал нэхэж уйлдаг
Нэг их гунигтай ширтэх тэр л харц чиний харц

/Хуулбар/

...

[Дэлгэрэнгүй...]

2009-10-23

Тэр нэгэнд

Бодсоор л байна чамайгаа тэртээгээс
Битvvхэн зөндөө шаналсаар одоо бvр байчихжээ
Охин жаалхан насанд чинь дурлалын шvлгээ анх тэрлэжээ
Онгон халуун зvрхэнд чинь хайрын хvлэгээ анх эмээлэлжээ

Лаа шиг итгэл минь гэрэлтсээр шатаж дуусахад
Луужингvй далайчин шиг би зvг чиггvй хайгуулчин
Ор тас мартагдсан балгас шиг хуучин тvvх болж
Орь ганцаар хэн нэгнийг хvлээсээр хоцорчээ

Ромьео Жулеттаг зvvдэндээ чамтай тоглож
Рашаан мөнхийн усыг шvлгээр би нэрж, өөрөө согтож
Том алаг нvд шиг чинь болор хундагаар
Тэр өчvvхэн төдий итгэлийн туяаг залгилмаар

Уусан даруйдаа тэгээд бvхнийг умартан агсамнаж
Уран vгийн санг хоосо...

[Дэлгэрэнгүй...]

2009-10-23

Үнэн гэж байдаг бол

Алаг нvдэн ялдамхан минь
Алиахан ааштай аялгуухан минь
Уйтгар мэт зvрхэнд сэм нуугдаад
Урилагагvй атлаа зvvдэнд юунд зочлоно вэ
Болзсон билvv бидэн хоёр
Бороонд норж зогссон билvv
Сарнай чамд бэлэглэсэн билvv
Санаандгvй vдшийн учрал минь ээ
Хувааж идсэн чихэр шиг амттай
Хундага тулгасан дарс шиг охьтой
Амталсан даруйд дахиад л хvсэл бадраах
Амссан даруйд дахиад л зориг асаах
Хайрын төлөө төрсөн дагина минь
Хорвоо бидэнд гэгээн vдшийг бэлдэж
Хосгvй учралыг бурхан бэлэглэж
Хоёр биедээ жаргал заяажээ бидэн
Алсад байвч зvрх минь чамтай хамт
Ариухан итгэл минь зvvдтэй хамт
Ахиад л учрах ерөөлтэй хамт
Ашид мөнхийн хай...

[Дэлгэрэнгүй...]

2009-10-23

Ихэмсэг охин

Сайхан чамд сэтгэл алдаад
Санаашран зогсох сайхан шvv
Царайлаг чиний өмнө хайраа илчлэх
Цаазаар авахуулах хэрэгтэн шиг хэцvv
Асах галгvй бамбар билээ чи
Асах модгvй цог билээ би
Аадрын сvvлчийн аянга чи
Аянга тоссон мод би
Сайхан чиний ихэмсэг vгэнд гуядуулж
Самгардан зогсох хайрын боол
Өөдөс болтол уруулсан захидал шигээ
Өөртөө гутрах өнчин зvрхний эзэн
Гэвч хайр дундрахгvй
Гэгээн хvсэл дуусахгvй
Сайхан итгэл унтрахгvй
Сансандаа заавал хvрнэ
Солонгорох гэрлийн гялбаан дунд
*Сохорсон* нvдээрээ ганцхан чамайг ширтэж
Уралдах эрсийн тvрvv магнайд
Уриад би чамтай бvжиглэлээ
Ихэмсэг охин чиний харц
Илд мэт зvрхийг минь...

[Дэлгэрэнгүй...]